გამჭვირვალობა ყველა სამართლებრივ საკითხში

მომსახურება მოიცავს საკორპორაციო, სახელშეკრულებო, შრომითი, ადმინისტრაციული და სხვა მიმდინარე სამართლებრივი საკითხების მართვას, დოკუმენტების მომზადებასა და გადახედვას, მოლაპარაკებებში მონაწილეობას, სამართლებრივი რისკების შეფასებას და მესამე პირებთან თუ სახელმწიფო ორგანოებთან წარმომადგენლობას.

ჩვენ ვახორციელებთ სრულმასშტაბიან სამართლებრივ Due Diligence-ს, მათ შორის კომპანიის კორპორაციული სტრუქტურის, საკუთრების, მნიშვნელოვანი ხელშეკრულებების, აქტივებისა და ვალდებულებების, სასამართლო და ადმინისტრაციული დავების, შრომითი ურთიერთობების, ნებართვებისა და ლიცენზიების, უზრუნველყოფების, რეგულატორული შესაბამისობისა და სხვა არსებითი სამართლებრივი საკითხების შესწავლას.

კვლევის შედეგების საფუძველზე ვამზადებთ დეტალურ Legal Due Diligence Report-ს, გამოვყოფთ არსებით სამართლებრივ რისკებს და ვთავაზობთ რეკომენდაციებს მათი შემცირებისა და ტრანზაქციის სათანადო სტრუქტურირების მიზნით. საჭიროების შემთხვევაში, ვუზრუნველყოფთ ტრანზაქციის სრულ იურიდიულ მხარდაჭერას — მოლაპარაკებებიდან და Due Diligence-ის პროცესიდან ტრანზაქციის დოკუმენტების მომზადებამდე, შეთანხმებამდე და გარიგების დასრულებამდე.

ვაფასებთ კონკრეტული ბიზნესმოდელის, ტრანზაქციის, სახელშეკრულებო ურთიერთობის ან დაგეგმილი საქმიანობის შესაბამისობას საქართველოს კანონმდებლობასთან, ვაანალიზებთ სამართლებრივ და რეგულატორულ რისკებს და ვამზადებთ პრაქტიკულ რეკომენდაციებს ადგილობრივი და უცხოელი კლიენტების, ინვესტორებისა და საერთაშორისო იურიდიული მრჩევლებისათვის.

მომსახურება ასევე მოიცავს საერთაშორისო ელემენტის მქონე საქმეებს, მათ შორის დაბადების რეგისტრაციასთან, მშობლობის დამადასტურებელ დოკუმენტებთან და სუროგაციის შედეგად წარმოშობილ დოკუმენტურ და სამართლებრივ საკითხებთან დაკავშირებულ მხარდაჭერას.

მომსახურება მოიცავს საკუთრებისა და უფლებრივი მდგომარეობის შემოწმებას, სამართლებრივ Due Diligence-ს, ხელშეკრულებების მომზადებასა და მოლაპარაკებას, გარიგების სტრუქტურირებას და საჯარო რეესტრში შესაბამისი უფლებების რეგისტრაციას.